Bjarni nokkur í Flúðaseli hringdi í morgun, var með veskið mitt.

Við komum við hjá honum áður en við fórum að versla í hádeginu. Veskið fann hann í morgun rennblautt á miðri götu í Fellahverfi (Veskin finnast á miðri götu). Sá sem fann veskið á föstudaginn er semsagt siðlaus fáviti, svona er þetta, nóg af þeim til. Á þessu uppátæki sínu græddi hann í mesta lagi þrjú hundruð krónur í klinki. Olli mér í raun ekki miklu tjóni en talsverðu veseni.

Ég þarf að endurnýja kortin, þau hafa vafalaust ekki lifað af vosbúðina. Spurning hvort ég fái mér ekki debetkort með voða fínni mynd hjá Landsbankanum.