Örvitinn

Góðan daginn

Ég er búinn að finna fína lausn á því hvernig ég get séð leikina í Meistaradeildinni. Skellti mér í ræktina í gærkvöldi og horfði á leikinn þar. Var í fitubrennsluprógrammi á orbitrek tæki meðan leikurinn fór fram. Gerði reyndar ekki ráð fyrir framlengingu, skellti mér á hjól eftir hefðbundinn leiktíma. Var semsagt 120 mínútur í léttu trimmi meðan ég horfði á leikinn. Lyfti lóðum í hálfleik. Þetta kostaði mig ekki krónu og ég angaði ekki af tóbaksreyk þegar ég kom heim.

Á maður að þora að kíkja í Moggann í dag, kem ég nokkuð asnalega út? Fyrir þá sem eru að kíkja á síðuna í fyrsta sinn eftir að hafa lesið blaðið bendi ég á að allt sem ég hef skrifað um mat má finna í matarflokknum. Skrifaði örlítið um það hér þegar ég eldaði Lasagna um daginn.

dagbók
Athugasemdir

Böbbi - 27/08/05 12:54 #

Tekur þig vel út í matseldinni!

Lasagnauppskriftin fer í ofninn hjá mér fljótlega!

Kv. Böbbi

Sigga Magg - 27/08/05 13:00 #

Flottur í Mogganum og gaman að sjá hvernig þú lítur út. Verð að prófa lasagnað fljótlega. P.S. Ég fékk líka svona Eurocardsvuntu í jólagjöf einhvern tíma.

Matti - 28/08/05 19:31 #

Sæll frændi.

Já, þetta kom bara vel út. Þess má geta að á myndinni í mogganum er ég að salta Focaccia brauð.

Skemmtilegt líka að segja frá því að mynd eftir mig fylgdi greininni.

Það þarf ekki að fara langt til að sjá hvernig ég lít út :-)