Örvitinn

Risastór öskubakki

Mikið óskaplega fer það í taugarnar á mér þegar ég sé fólk henda sígarettustubbum út um bílglugga. Fyrir þessu fólki er nánasta umhverfi einn stór öskubakki. Þetta er ekki einu sinni sjaldgæf sjón, ég sé þetta oft í viku og dreg þá ályktun að þetta sé ansi algeng hegðun. Hvar sem maður gengur um sér maður stubba, meira að segja á Þingvöllum liggja stubbarnir á víð og dreif.

Hvað heldur þetta lið að verði um stubbana, trúir það á stubbaálfa?

Í morgun var það stúlka á grænni mösdu með númerinu SL-957 sem henti hálfri sígarettu næstum í framrúðuna hjá mér, hún fær því stimpilinn sóði dagsins.

sl957

kvabb
Athugasemdir

Alvaran.com - 21/09/05 11:36 #

Hvað þá með þá sem henda glerflöskum út um bílglugga? Sjálfur reyki ég en hef þá reglu að nota öskutrogið í bílnum til að losa mig við stubbana. Hef sjálfur oft fengið sígarettu í framrúðuna frá bílum á undan mér. Hef reyndar ekki tekið niður númerið á þeim, en það er gustuk að gera það og birta. Kanski maður stofni þráð um það á alvaran.com

Óli Gneisti - 21/09/05 11:37 #

Hefurðu lent í því að einhver fleygir út stubbi og hann lendir undir bílnum þínum þannig að reykingafýlan sogast inn? Það er vibbi.

Matti - 21/09/05 18:53 #

Las bloggfrásögn fyrir ekki svo löngu þar sem einhver lenti í því að sígarettan úr bílnum á undan lenti í loftinntakinu á bílnum hans - það var víst ekki skemmtileg upplifun.

Vésteinn - 21/09/05 23:37 #

Tja, fyrst það vara bara næstum því geturðu svosem andað léttar. ekki það að það hafi verið hinum bílstjóranum að þakka. Ég var einu sinni (sem oftar) að reykja undir stýri. Þegar sígarettan var búin henti ég henni út um gluggann eins og ég var vanur. Gusturinn sneri þannig þá stundina, að hún fauk beint inn um gluggann aftur og beint í aftursætið. Ég eipaði náttúrlega -- á miðri Sæbrautinni -- tók handbremsubeygju inn á Kirkjusand og náði sígarettustubbnum -- og í þetta skipti rataði hann rétta leið, út um gluggann. Ég býst við að ég hafi átt þetta skilið...

Binni - 23/09/05 14:29 #

Ég sé þig í anda með myndavélina undir stýri. ;-)

Matti - 23/09/05 14:31 #

Þetta er tekið með gemsanum þannig að ég leit ekkert rosalega kjánalegt út :-)

Hefði ég haft myndavélina á mér hefði ég örugglega notað hana :-)