Gera má ráð fyrir því að á þessum tíma á morgun verði ég afskaplega þunnur í stofunni að horfa á Liverpool leikinn í sjónvarpinu. Það vill nefnilega koma fyrir að ég verði dálítið slappur eftir ölvun og þar sem Parkodín Forte er lyfseðilsskylt verð ég bara að sætta mig við ástandið.

"Af hverju ertu að detta í það fyrst þú verður svona þunnur" gæti einhver spurt og haldið að þar væri ég kominn í klípu, þyrfti að játa upp á mig drykkjusýki og aumingjaskap - sem er rétt. Ég dett í það vegna þess að mig langar til þess! Í kvöld er lokahóf knattspyrnufélagsins Henson, hittumst í heimahúsi - ég ætla að elda pizzur ofan í mannskapinn og við munum hella í okkur fullt af bjór og (fjandakornið) tekíla. Eflaust skríða menn í bæinn seint og síðar meir þó ekkert hafi verið planað í þeim efnum.

Já, pizzurnar. Ég geri þær bara eins og vanalega, nema ég geri þrjár tvöfaldar uppskriftir. Búinn að kaupa allt sem þarf. Eina málið er skálar, ég er vanur að hræra deigið í skál og láta það svo hefast í henni, en það hlýtur að vera hægt að láta deigið hefast í hverju sem er, eða hvað.

En á morgun verð ég semsagt þunnur og líklega þarf ég að skreppa í barnaafmæli um eftirmiðdaginn. Á einhver þarna úti töflu af Parkódín Forte sem hann er tilbúinn að gefa mér :-) Æi, ég verð a.m.k. orðinn góður rétt rúmlega sex, eftir inniboltann.