Óvirk umferðaljós, ísskápur og ljósmyndabók

Ég var á heimleið í dag þegar rafmagnið fór af stórum hluta Reykjavíkur. Umferðin gekk ótrúlega vel þrátt fyrir að öll umferðarljós væru óvirk. Fólk hafði vit á því að stoppa og hleypa öðrum akreinum áfram. A.m.k. flestir. Það er nefnilega svo merkilegt að það þarf ekki nema lítið hlutfall til að hafa vit fyrir fjöldanum í svona ástandi, ef einhver einn stoppar eru yfirgnæfandi líkur á að aðrir stoppi líka. það var ekki fyrr en ég var kominn að brúnni yfir Reykjanesbraut við Mjódd sem þetta klikkaði en sem betur fer kom rafmagnið aftur þegar ég hafði beðið þar í stutta stund.

Ísskápurinn er kominn úr viðgerð, allt í allt kostaði þetta um sjötíuþúsund með flutningum. Það er fljótlegt að eyða peningum. Það gekk vel að bera ísskápinn upp, vorum ekki nema tvær mínútur upp stigann, átti von á því að þetta yrði erfiðara.

Fékk ljósmyndabókina í kvöld. Kemur helvíti flott út, sérstaklega stóru myndirnar. Nú þarf ég að drífa í að gera tvær bækur í viðbót, eina handa foreldrum mínum og aðra handa Eika og Oddný, fæ 50% afslátt ef ég panta fyrir næstu mánaðamót. Á myndinni fyrir ofan heldur Gyða á bókinni, hér er önnur mynd