Við stefnum á að fara í bústað um helgina. Þessa stundina er óveður á Kjalarnesi eins og sjá má á vefsíðu Vegagerðarinnar. Það hlýtur að draga úr vindi þegar líður á daginn. Annars finnst mér þessar rauntímaupplýsingar hjá Vegagerðinni alveg magnaðar.

Ég uppfærði tónlistina í gemsanum áðan, þegar maður er bara með 512MB geymslupláss þarf maður að rótera dálítið. Henti Takk með Sigurrós út, Killers, American Idiot með Green Day og einhverju fleiru. Er ekkert að fýla Takk en hitt finnst mér ennþá flott. Setti inn nýjustu diska Dredg, Franz Ferdinand og The Mars Volta. Tónlistin í símanum er dálítið blönduð, RATM og Pantera sitja sem fastast því það er besta hlaupatónlistin, hitt uppfæri ég nokkuð reglulega. Í vinnunni er ég núna að hlusta á Chopin. Held að nokkur lögin séu úr þeirri frábæru mynd, Píanistinn

Þegar ég sé svona skrif guðfræðinga veit ég ekki hvort ég á að hlæja eða gráta. Aðkoma guðfræðinga að veraldlegum málum er alltaf óskaplega barnaleg að mínu hógværa mati. Ég sé fyrir mér guðfræðing á ráðstefnunni tjá sig, "Guð er uppspretta hins lifandi vatns og hinn trúaði þráir samvistina með Guði eins og hindin þráir vatnslindir " og aðra ráðstefnugesti líta hvor á annan

Ég er að éta grænan Tópas, get ekki hætt! Drekk með honum grænan Kristal.