Systurnar hafa rifist eins og hundur og köttur alla helgina, rifið dót af hvor annarri og vælt án afláts. Inga María montað sig af dótinu sínu og bannað Kollu að leika sér með það.

En núna, þegar ég er að reyna að koma þeim í leikskólann, leika þær sér sem aldrei fyrr, saman með dótið í miklum fjölskylduleik.

Ég verð samt að binda enda á leikinn, jafnvel þó þær hafi stungið upp á að ég myndi skilja þær eftir heima. Þær kunna víst alveg að opna ísskápinn og geta fengið sér brauð. Held ég láti ekki reyna á það í þetta sinn.

"Við skulum fara að koma okkur"
"Nei"