Uppboðið hans Einars
Þar sem ég var lítið við tölvu um helgina og bloggaði ekkert missti ég af fyrstu bylgunni útaf uppboðinu hans Einars til styrktar börnum í Mið-Ameríku. 90% lesenda minna lesa önnur blogg og vita því af þessu - en hér með bendi ég hinum 10% á þetta. Kíkið endilega á uppboðið, fullt af áhugaverðu dóti þar, m.a. slatti af DVD diskum.
Á leiðinni í vinnuna heyrði ég síðustu mínútuna af viðtali við Einar á NFS. Strax á eftir var ákaflega léleg umfjöllun um tölvuleiki en það er önnur saga.
Þetta framtak Einars er til fyrirmyndar og það verður gaman að sjá hverjir munu njóta góðs af því.