Fimmta sæti í flugeldum

Ég endaði í fimmta sæti í flugeldakeppninni á ljósmyndakeppni.is með þessa mynd. Ég sá reyndar dálítið eftir að velja þessa mynd, fannst hún nokkuð góð en finnst þessi miklu betri. Hugsa að ég hefði jafnvel fengið aðeins betra fyrir hana, hvort það hefði dugað mér til að komast í topp 3 veit ég ekki.

Ég setti mynd í keppnina um mynd ársins 2005. Valdi eina um daginn til að vera með. Sýnist mér vera að ganga þokkalega og eflaust verð ég með einkunn yfir sex. Verð ánægður ef ég er í topp 20 þar, það eru gríðarlega margar myndir í þeirri keppni og ansi margar mjög góðar.

09.01.2006 02:53 myndir

Athugasemdir

Binni - 09/01/06 10:04 #

Já, þessi sem ekki fór í keppnina er líklega betri. En þær eru báðar býsna góðar. Þú ert að verða æði fyrirsjáanlegur að þessu leyti. ;-) Þú ert einfaldlega frábær myndasmiður.

Eva - 09/01/06 11:45 #

Mér finnst myndin sem ekki fór í keppnina betri. Tek undir með síðasta ræðumanni.

Sirrý - 09/01/06 11:52 #

Ég gaf þinni mynd 9 og verð að segja að ég skil ekki í fólki að hafa gefið henni 1 eða 2.

Matti - 09/01/06 14:29 #

Takk fyrir hrósið. Það er ljóst að ég sendi inn ranga mynd :-)

Sirrý, það er ekkert að marka þig, þú vissir væntanlega að þetta var mynd frá mér ;-) Það voru nú ekki nema þrír sem gáfu mér minna en fjóra.

Sirrý - 09/01/06 15:09 #

Hvernig átti ég að vita það ? Ég gaf reyndar soltið hátt í þessari keppni og krakkarnir hjálpu til við að dæma.

Matti - 09/01/06 15:11 #

Æi, ég gerði bara ráð fyrir að þú hefðir séð myndirnar hér á síðunni minni - en takk fyrir níuna :-)

Gulla - 09/01/06 19:16 #

Flugeldamyndirnar þínar eru frábærar - þú ert snillingur :) Til hamingju með fimmta sætið. Mér þykir líka afmælismyndin af dóttur þinni (DSC_6747) eins sú fallegasta sem ég hef séð hjá þér - ja, auðvitað bæði myndin og fyrirsætan ;)

Matti - 10/01/06 08:28 #

Flugeldamyndirnar þínar eru frábærar - þú ert snillingur :)

Ég fer bara hjá mér :-)

Annars er ég sammála, ég er snillingur :-P, myndin af Kollu er fjandi góð og hún er afskaplega sæt :-)