"Af hverju ég er ekki kristinn" komin út á íslensku
Það eru góðar fréttir að ritgerð Bertrand Russel Af hverju ég er ekki kristinn sé komin út á íslensku. Hana er meira að segja hægt að nálgast á vefnum á pdf formi.
Ég er þeirrar skoðunar að þessi ritgerð eigi að vera skyldulesning í skólum áður en börn fermast. Ég væri til í að koma höndum yfir nokkra tugi eintaka og dreifa í fermingarstarfi í Seljakirkju. Auk þess er það mitt hógværa mat að prestsefni ættu að þurfa að læra ritgerðina utanbókar áður en þeir útskrifast úr prestaskólanum.
Óli Gneisti - 24/01/06 23:34 #
Gengur vel Bragi ?
Hildur Björk - 25/01/06 17:45 #
:) þessi ritgerð er einmitt skyldulesning í áfanganum "Trúarheimspeki" sem allir guðfræðinemar háskólans þurfa að taka á fyrsta ári..þar á meðal ég ;) Bið að heilsa familíunni
Matti - 25/01/06 17:48 #
Það er magnað. En betur má ef duga skal, mér finnst enn að þið ættuð að læra hana utanbókar ;-)
Annars hef ég verið að heyra frásagnir úr tímum í guðfræðideild, menn sem ég þekki hafa verið að laumast inn í stöku tíma, og ég hef ekki mikla trú á því að mikið mark sé tekið á þessari bók í deildinni eftir vitnisburð þeirra :-)
Hjalti - 25/01/06 19:02 #
Vonandi nefna guðfræðinemar þá Bertrnad Russell næst þegar þeir segjast hafa lesið gagnrýni á kristindóminn en ekki Marx og Freud.
Matti - 26/01/06 23:09 #
Þessi bók er frábær, sérstaklega sá hluti hennar sem fjallar um kristið siðferði. En það var varla hægt að ætlast til að guðfræðinemar lesi margar bækur um trúleysi :-) Losing Faith in Faith mætti líka vera á listanum, en hún er kannski dálítið bandarísk. How to think about weird things ætti að mínu mati að vera kennd í öllum framhaldsskólum.