Svaf betur í nótt, Kolla svaf alla nóttina í sínu rúmi og Inga María lét fara lítið fyrir sér þegar hún kom upp í. Ég átti samt erfitt með að fara á fætur.

Skellti mér í ræktina í hádeginu, tók fætur. Hef ekki gert það í alltof langan tíma, hvíldi fætur eftir að ég tognaði, held það séu mistök. Auðvitað þarf maður að jafna sig eftir meiðsli en svo er nauðsynlegt að styrkja fætur til að koma í veg fyrir frekari tognanir. Undanfarið hef ég t.d. alltaf verið tæpur í kálfa þegar ég spila fótbolta. Ég spái verulegum harðsperrum á laugardag. Ég er í skelfilegu formi um þessar mundir.

Góður svefn og átök í ræktinni valda því að ég er ekkert sérlega skapstyggur í dag. Ætla að rölta niður á jarðhæð á eftir og láta snoða mig.