Ég eyddi tveimur mínútum í að lesa grein eftir heimspeking í Fréttablaðinu í morgun. Ég fæ þær mínútur aldrei aftur. Téður heimspekingur kom með DV líkinguna. Ætli það sé ekki best að kalla hann terrorista til að halda umræðunni á jafn heimspekilegum nótum.

Fór beint í vinnu, sleppti ræktinni. Sleppi boltanum á morgun líka, er að gera tilraun til að laga á mér fæturnar með hvíld. Er samt að spá í að fara í ræktina í stað boltans og lyfta dálítið.

Horfði á Chelsea-Barcelona ruglaðan í gærkvöldi. Einhverjir fárast yfir rauða spjaldinu sem Del Horno fékk og vísa þar væntanlega til þess að árás hans misheppnaðist. Þetta sama lið heldur væntanlega að allt sé löglegt í fótbolta svo lengi sem menn snerta boltann. Ég tek undir orð Kristjáns á Liverpool blogginu, þetta var árás og réttmætt að vísa manninum útaf. Ætlun hans var að strauja manninn og það misheppnaðist. Aumkunarverð tilraun hans til að sleppa við spjald með því að gera sér upp meiðsli var stórkostleg, en þetta er ekki í fyrsta sinn á tímabilinu sem þessi hegðun sést hjá leikmanni Chelsea, Essien lék sama leik þegar hann braut gróflega á leikmanni Bolton í deildinni í vetur. Ætli Halldór hafi skemmt sér vel á leiknum?

Á Vantrúarvefnum er stórfín grein um Vísindi. Frábært að geta vísað á hana.