Svo rammt kveður að þessu að ef einhver slysast til að gefa í skyn að það þurfi nú stundum að sýna öðrum virðingu og tillitssemi þá dugar ekkert minna en að sami einstaklingur birti opinbera afsökunarbeiðni og dragi hinar hræðilegu skoðanir til baka. Málfrelsið er jú svo mikilvægt, skilurðu. #

Þetta er, að mínu hógværa mati, ekki rétt lýsing á umræðu síðustu vikna . Eiginlega hef ég upplifað hana á þveröfugan hátt og ef ég myndi nota sama ýkjustíl og Sverrir í þessu tilviki myndi ég segja að þeir sem dirfast að verja þessa birtingu teiknimyndanna af Múhameð séu einfaldlega fasistar í augum sumra. Fyrir utan það náttúrulega að hafa enga þekkingu á Íslam, austurlöndum eða útlöndum yfir höfuð, hafa ekki lesið réttar bækur og myndu ekki skilja þær ef þeir myndu reyna.

En sínum augum lítur hver á silfrið, svo er víst. Vandamálið er bara að útaf þessari taktík er ekki nokkur leið að skiptast á skoðunum. Kannski er það markmiðið!