Ég er farinn að kalka, man ekkert stundinni lengur og tíni öllum andskotanum. Þarf að rölta út í bíl og sækja íþróttatöskuna mína sem hefur verið í skottinu síðan í gærmorgun. Í fyrrakvöld leitaði ég út um allt að pastavélinni. Fann hana svo inni í litla skápnum hliðina á uppþvottavélinni. Fyrst hefði ég getað svarið að ég hefði ekki sett vélina í skápinn, en ég veit það ekki lengur. Er farinn að trúa því að hugsanlega hafi ég sett hana þangað en svo steingleymt því.

Kolla missir bráðum sína fyrstu tönn, er komin með lausa framtönn. Ég tók mynd í kvöld til að eiga eina "fyrir"-mynd. Hún er ósköp spennt.

Setti inn mynd af kletti og blómi á flickr síðuna. Var aðallega að fikta með rammann en er sáttur við litina (sem ég ýkti með LAB aðferðinni).

Ferming á sunnudag, ég hlakka til mánudagsins :-)