Ætli and í Andríki standi fyrir andvarpið sem ég missi út úr mér þegar ég les svona dellu?

Vonandi er raunveruleg ástæða fyrir „borgaralegum fermingum“ ekki einfaldlega sú að eitthvert fólk hefur ama af því hvílíkur fjöldi ungmenna velur að láta ferma sig í kristnum kirkjum landsins, og vill reyna að lækka það hlutfall með einhverjum ráðum, vill beinlínis að eitthvað komi „í stað kirkjulegrar fermingar“.

Ég myndi spyrja Andríkisbjánana, hversu stór hluti þeirra sem fermast í kirkjum landsins séu raunverulega kristnir? Hver hagnast á þessum massívu kirkjufermingum? Hverjir raka inn tugmilljónum á ári fyrir að ferma börn sem þeir vita vel að eru langflest alls ekkert trúuð og munu ekki sjást aftur í kirkju fyrr en þau gifta sig eða gefa upp öndina.

Þvínæst myndi ég spyrja þá hvað þeir sjái eiginlega að því að boðið sé upp á valkost, eru valkostir ekki kjarninn á bak við hugmyndafræði þeirra? Nei, Andríkismenn vilja bara eina ríkisfermingu sem ríkiskirkjan stendur á bak við. Vei allri samkeppni á þessu sviði !

Svo myndi ég benda þeim á umræðunar við þessa Vantrúargrein, en þar er fjallað ítarlega um Borgaralegar fermingar.

Ég held að Andríkismenn ættu að hætta að tjá sig um að þrennt. Strætó, reykingar og trúmál. Ég man ennþá ekki eftir því að hafa lesið gáfulega grein um þetta þrennt hjá þeim en þó eru greinarnar sem þessu tengjast nokkuð margar.