Stelpurnar vöknuðu snemma að venju í morgun en ég fékk að kúra aðeins lengur, þær fóru niður að horfa á barnatímann. Milli níu og tíu fór ég á fætur og gaf þeim morgunmat. Ásmundur kom í hádegismat, kom við í bakaríi og verslaði brauð.

Eftir Liverpool leikinn kíktum við í Kringluna, ég fór í ríkið og keypti hálfa hvítvín, vantaði hvítvín til að elda. Versluðum í Hagkaup og settumst að því loknu á kaffihúsið við Hagkaup þar sem stelpurnar fengu kökusneið og trópí.

Kvöldmaturinn heppnaðist vel, steiktur þorskur eftir uppskrift úr La Primavera bókinni. Stelpurnar borðuðu ekkert sérlega vel en fúlsuðu ekkert við fisknum. Ég kom þeim í rúmið rétt fyrir níu, brá mér í sturtu og rakaði mig. Fjárfesti í nýrri sköfu og rakvélablöðum í Hagkaup, keypti svona gillette titrararakvél fyrir morðfjár og ég er ekki frá því að raksturinn hafi heppnast vel!

Búinn að ganga frá eftir kvöldmatinn, setja í þvottavél og taka úr þurrkara. Í sjónvarpinu er ekkert þannig að ég hangi á netinu í stuttbuxum og Liverpool treyju. Á netinu er næstum ekkert.

Jæja, ég dunda mér. Fæ mér einn Stella.