24.05.06 Erfið kveðjustund á leikskólanum

Inga María vildi ekki sleppa mér í leikskólanum í morgun. Sagði ekkert, vældi ekki heldur - hékk bara í mér og vildi ekki fara inn. Ég var hjá henni í korter áður en ég þurfti að fara, leikskólastjórinn tók hana í fangið og fór með hana inn á deild.

Hún grét ekki þegar ég fór en samt er óskaplega erfitt að skilja svona við hana.

Ég skil ekkert í þessu, hún svaf nokkuð vel. Reyndar svaf hún lengst af okkur í morgun sem er óvenjulegt. Hún var hress og kát, þær systur léku sér vel áður en við fórum í leikskólann. Ég vildi stundum óska þess að hún væri duglegri við að segja mér hvað það er sem angrar hana á svona stundum. Líklega var það ekki merkilegt.

24.05.2006 11:30 fjölskyldan

Athugasemdir

Trackback url: http://www.gmaki.com/cgi/mt-tb.cgi/452

24.05.06

Erfið kveðjustund á leikskólanum

Nýjar athugasemdir