Ég er dálítið afskaplega ánægður með þessa mynd af Ingu Maríu. Þarna erum við stödd efst á hólnum við bústaðinn í Borgarfirði. Inga María er óskaplega ófeimin við myndavélina um þessar mundir og stillir sér nokkuð eðlilega upp, brosir ekki gervilega og er ekki með fyrirsætutakta.

Ég notaði DxO Optics til að converta RAW skránni, laga bjögun í 18-70 linsunni og lyfta upp dökku hlutum myndarinnar. Til að mynda voru augun ansi dökk í orginal myndinni en með smá kúrfu tweaki var hægt að ná þeim fram. Lagaði myndina svo aðeins í Photoshop áður en ég vistaði fyrir vefinn. Hugsanlega hefði mátt nota flass til að fá smá glampa í augu en ég er sáttur við þessa útkomu.