13.06.06 Grillaður þorskur

HM hefur ýmsar afleiðingar í för með sér. Í gærkvöldi glápti ég á boltann frá fimm til korter í níu, horfði á Tékkland - Bandaríkin á Sýn+ og svo næsta leik beint.

Þetta gerði það að verkum að a) Gyða eldaði, sem er nú svosem ekki svo undarlegt, Gyða eldar oft þó ég eldi oftar. En hún b) grillaði sem gerist nær aldrei og c) það var fiskur í matinn sem heyrir til undantekninga þegar ég er heima.

Grillaði þorskurinn var afar góður, Gyða grillaði hann í fiskiklemmu og penslaði með tómatkryddsósu. Með voru svo sætar kartöflur og bökunarkartöflur, grillað blómkál og sykurbaunir. Ég var náttúrulega upptekinn við HM gláp, annars hefðu verið teknar nokkrar myndir af matseldinni :-)

Ég er ekki frá því að grillaður fiskur verði reglulega á boðstólnum á okkar heimili í sumar.

13.06.2006 08:35 matur

Athugasemdir

Trackback url: http://www.gmaki.com/cgi/mt-tb.cgi/478

13.06.06

Grillaður þorskur

Nýjar athugasemdir