Líkt og Kristján Atli og fleiri fagna ég því að Eiður Smári sé genginn í raðir Barcelona. Þar með getur maður loks hætt að hugsa illa til hans sökum þess að hann spilar með Chelsea. Einnig hlakka ég til að fylgjast með umfjölluninni um enska boltann hér á landi í kjölfarið, því undanfarin ár hefur hún stundum verið afskaplega furðuleg og ég held að það hafi haft töluvert með það að gera að Eiður Smári spilaði með þeim.
Ég held að Eiður Smári eigi eftir að gera góða hluti í þessu Barcelona liði, þetta er nefnilega ótrúlega skemmtilega spilandi lið (ólíkt Chelsea sem spilar oftast leiðinlegan bolta) og Eiður er glettilega útsjónarsamur og teknískur. Dæmigerðar sóknir Barcelona ganga út á stuttar sendingar og færslu á liðinu þar sem allir taka þátt, ekki langan bolta fram á sterkan framherja, leikaraskap og föst leikatriði
Menn hafa eitthvað verið að velta fyrir sér möguleikum hans á sæti í liðinu. Ég held að Barcelona færi varla að borga þetta fé fyrir hann ef þeir ætluðu sér ekki að nota hann. Held að Eiður gæti plumað sig vel, bæði sem annar framherji og á miðjunni.
|
www.flickr.com
|
