Jón Magnús sagði mér frá því, þegar hann skreið í vinnuna rétt rúmlega tíu, að hann hefði farið með bílinn sinn í bílaþvottastöðina í Sóltúni í morgun. Þetta kom mér á óvart vegna þess að síðast þegar ég fór þangað var búið að loka stöðinni, á dyrunum var miði þar sem þakkað var fyrir viðskiptin og ég hélt það ætti að að rífa húsið. Ég hafði verið að spyrjast fyrir um þvottastöðina, hvort hún hefði ekki opnað á öðrum stað, en ekki fundið neitt sambærilegt. Er illa við að fara með bílinn í gegnum þvottastöðvar þar sem notaðar eru risa rúlluburstar, hef heyrt að það geti rispað lakkið. Í Sóltúni eru bílar handþrifnir.

Ég ákvað því að skella mér með bílinn í þrif eftir hádegisboltann. Er alveg til í að borga 2.650.- fyrir þrif og bón á bílnum núna í slabbinu og drullunni. Bíllinn var líka orðinn hrikalegur en er núna óskaplega fínn. Spurning hvað það endist.

Á þessari skelfilegu gemsamynd sést þegar bíllinn kemur úr bónvélinni og guttarnir klára bónið og þvottinn með tuskum.