Fórum í Hagkaup og keyptum kalkúna í kvöld, Jóna Dóra tók 8.5kg ferskan fugl frá fyrir mig í fyrradag. Versluðum auk þess hitt og þetta í jólamatinn en vorum ekkert að fara of ítarlega í matarinnkaupin að öðru leyti. Keyptu kartöflur, sætar kartöflur, rauðkálshaus og þessháttar. Hafði áhyggjur af því að dýrið myndi ekki passa í ískápinn en það var ekkert vandamál, smellpassaði í efstu hilluna.

Greip eftirréttabók Hagkaupa og jólablað Bístró. Nú þarf ég bara að fara að spá í smáatriðum fyrir sunnudagsmatinn.

Reyndar er forrétturinn kominn á hreint, verðum með humar sem ég ætla að kljúfa í tvennt og skella í ofn, eins og um daginn, einfalt og gott.