Síðustu daga hefur bara einn diskur verið í spilaranum (bílnum, tölvunni, símanum). Kajak með Benna Hemm Hemm. Gummi Jóh hrósaði disknum í athugasemd og setti hann á árslistann sinn, Dr. Gunni setti lagið Hól á hey hóla á topp listann sinn og Rjóminn var með Kajak á árslistanum.

Þannig að þó ég sé hugsanlega ekki algjörlega hlutlaus treysti ég mér til að halda því fram að þetta sé frábær plata.

Lagið Stoffer heillar mig óskaplega þrátt fyrir að vera frekar einfalt á yfirborðinu, titill færslunnar er úr því lagi. Brekkan, Hól á hey hóla og Regngalsinn eru lög sem mér finnst afskaplega flott, byrjunarlag plötunnar heillar mig og svona gæti ég haldið áfram. Í dag er víst móðins að hlusta á stök lög en ég renni yfirleitt í gegnum plötur og þessi hefur haldið athygli minni.

Ég þarf að kíkja á næstu tónleika.