"Hann vill ekki sjást í mynd"
Í sjónvarpsfréttum segir heyrnarlaus maður frá kynferðislegu ofbeldi sem hann varð fyrir í æsku og vill skiljanlega ekki sjást í mynd. Svo sýnir RÚV viðtal við hann þar sem andlitið er í skugga en samt sést nokkuð greinilega framan í manninn. Hver veit, kannski var skjárinn hjá þeim sem útbjó fréttina dökkur og minn sjónvarpsskjár ljós, en ég sá vel framan í manninn og hefði þekkt hann um leið ef ég hefði séð hann áður, sérstaklega þar sem vitað er að maðurinn er heyrnarlaus.
Þetta er ófyrirgefanlegt klúður hjá Ríkissjónvarpinu. Þarna á fólk að hafa vit á því að rjúfa útsendingu.
20:02
Ég horfði á fréttina aftur á RÚV+ uppi í stofu (þar er lítið sjónvarp og adsl sjónvarpsboxið) og þá sá ég ekkert framan í hann. En hér niðri í sjónvarpsstofu, þar sem ég er með 6-7 ára Sony sjónvarp, sá ég vel framan í manninn.