Ég var að kaupa mér dót í dag.

Rakst á auglýsingu á ljósmyndakeppni í morgun þar sem verið var að bjóða mánaðargamla Sigma 30mm F/1.4 linsu til sölu á afar hagstæðu verði. Eftir að hafa staðfest verð og fengið mynd tekna með linsunni ákvað ég að skella mér á linsuna (í samráði við konuna, þetta er bóndadagsgjöfin). Prófaði linsuna þegar ég hitti seljanda, fókus var hárréttur (auðvelt að sjá með D200) og ég gekk frá kaupum á staðnum. Borgaði 35000 fyrir linsu sem var keypt ný fyrir mánuði.

Hef ekki tekið spennandi myndir þar sem ég er jú enn í vinnunni, en tók eina mynd af úrinu með stærsta ljósopi til að prófa fókusnákvæmni og fókusdýpt. Það eina sem þið eigið að taka eftir á þessari mynd er hve lítið svæði er í fókus (Hér er skífan í 100% upplausn).

Ég hef gaman af því að taka myndir í lítilli birtu án þess að nota flass, þó ég sé reyndar búinn að læra helling um flassnotkun undanfarið og þessi linsa er frábær í það. 50mm 1.8 linsan er líka mjög skemmtileg en stundum full þröng. Nú er ég kominn með stærra ljósop og víðari linsu. Held þó 50mm linsunni þar sem hún er svo fáránlega ódýr og nýtist vel í portrait myndir og jafnvel sportið. 30mm linsan nýtist líka betur sem göngulinsa og á vafalaust eftir að vera töluvert á vélinni.

Nú er taskan mín full og því ljóst að næst þegar ég vill fá mér linsu þarf ég að selja einhverja gamla, enda er ég svosem kominn með allt sem ég þarf í dag. Vantar góða macro linsu og einhvern daginn myndi ég vilja uppfæra standard linsuna, en það bíður aðeins :-)