Fór í pool með vinnunni í dag, skelltum okkur í Lágmúla milli fjögur og sex.

Ég er afskaplega mistækur í pool, kemst stundum í stuð en er duglegur við að klúðra einföldum skotum. Vann þrjá leiki áðan og tapaði tveimur. Böðvar var sigurvegari kvöldsins, vann allar sínar viðureignir, þar með talið á móti mér (það spiluðu ekki allir við alla vegna tímaskorts).

Fengum okkur bjór og pizzu eftir pool, ég lét einn bjór nægja í kvöld.

Tók nokkrar myndir. Það er dálítið erfitt að eiga við white balance í pool stofunni, því lýsingin yfir borðinu er allt öðruvísi en lýsingin í salnum. Ég ákvað að vinna myndirnar þannig að litatónn á fólki væri réttur en ekki alveg réttur á borðunum, þau eru dálítið grænni en virðist af myndunum.