Af hverju í ósköpunum er þetta ekki frídagur? Af hverju eru einhverjir drasldagar eins og uppstigningardagur helgidagar hér á landi en ekki dagurinn þegar úrslitaleikur Meistaradeildar fer fram? Ég vil banna bingó í dag.

Í dag eru þúsundir karlmanna (og einhverjar konur) handónýtir í vinnunni vegna þess að hugurinn er við leik kvöldsins. Skárra væri að þeir væru á öldurhúsum landsins að drekka bjór.

Annars fór ég í fótbolta í hádeginu. Fjórtán mættir sem var afskaplega fínt, spiluðum á heilan (hálfan) völl, sem er allt annað líf. Rauða liðið vann, ég skoraði ekki eitt einasta mark. Átti reyndar ekki skot á mark. Við skulum samt ekki velta okkur upp úr því.