Ég átti ekki von á góðri mætingu í hádegisboltann í dag útaf þessu veðri en þetta er hörkuhópur og sextán mættu. Veðrið var alls ekki svo slæmt þrátt fyrir allt þó það væri dálítið hvasst.

Ég var reyndar afskaplega tæpur í aftanverðum lærum í dag. Þetta er kunnuglegt, búinn að vera tæpur í kálfum í nokkurn tíma og svo fara lærin að gefa sig. Ég tek rúmlega þriggja vikna pásu frá boltanum bráðlega, það ætti að duga.

Þess má geta að ég var hrikalega slappur, klúðraði dauðafærum og var úti á þekju lengi vel. En þetta var samt skemmtilegt.

Í öðrum fréttum. Hvenær kaupir Liverpool einhverja stjórstjörnu? Ég er orðinn þreyttur á að skoða Transfer speculation þráðinn á ynwa foruminu.