Kaffidrykkjumórall
Við horfðum á fróðlegan sjónvarpsþátt um kaffidrykkju í gærkvöldi. Kaffidrykkjukonan á heimilinu horfði á þáttinn af áfergju! Það var ekki laust við að ég fengi móral yfir því að drekka ekki kaffi, ég virðist nefnilega hafa litlar forsendur fyrir því að eiga gáfulegar samræður :-)
Annars skil ég ekki af hverju ég drekk ekki kaffi. Kannski er þetta matvendni að kenna, ég var dálítið matvandur í gamla dag en það á ekki lengur við.
Ég er of gamall til að byrja að fikta við kaffidrykkju.
Næsti þáttur á eftir kaffidrykkjuþættinum fjallaði um tóbaksreykingar. Ég skipti um stöð.
Birgir Baldursson - 10/07/07 14:38 #
Annars skil ég ekki af hverju ég drekk ekki kaffi. Kannski er þetta matvendni að kenna, ég var dálítið matvandur í gamla dag en það á ekki lengur við.
Fyrir nú utan það að kaffi í nútímanum er allt annað fyrirbæri en þetta uppáhellta glundur sem eldri kynslóðir Íslendinga drukku í lítratali (ég meðtalinn).
Arngrímur - 10/07/07 16:19 #
Fyrir nú utan það að kaffi í nútímanum er allt annað fyrirbæri en þetta uppáhellta glundur sem eldri kynslóðir Íslendinga drukku í lítratali (ég meðtalinn).
Þessu hafna ég alfarið. Ef ég finn vott af einhverju froðujukki í kaffinu mínu er það nóg til að valda mér klígjuköstum út daginn. Lengi lifi uppáhellta glundrið!
Birgir Baldursson - 11/07/07 02:42 #
Hvað segirðu, ertu ekki að fíla cremað?
Matti - 11/07/07 09:25 #
Þarna sjáið þig. Kaffidrykkjufólk er meira að segja sundurleitur hópur sem getur ekki einu sinni ákveðið hvernig á að drekka kaffið.
Ég held ég fái mér bjór :-)
Birgir Baldursson - 11/07/07 17:04 #
Já, en bjórdrykkjufólk er líka sundurleitur hópur sem getur ekki einu sinni ákveðið hvernig á að drekka bjórinn, ljósan eða dökkan, ale eða lager, volgan eða kaldan.
Ég held ég fái mér kaffi. ;)
Arngrímur - 11/07/07 22:35 #
Vantrúarseggir eru ekki síður sundurleitur hópur fólks sem getur ekki einu sinni ákveðið hvort drekka eigi kaffi eða bjór.
Ég held ég fái mér kaffi á morgnana og bjór á kvöldin.
