Við fórum á fætur fyrir allar aldir til að mæta með Kollu í Egilshöll. Þar var ÍR að spila á haustmóti þar sem fyrsti leikur var klukkan níu og af einhverjum ástæðum voru ÍR stelpur boðaðar klukkan átta - næstu félög mættu klukkan hálf níu. Mér finnst óskaplega erfitt að vakna eldsnemma á sunnudagsmorgni, jafnvel þó ég hafi farið þokkalega snemma að sofa.

Stelpunum gekk afskaplega vel og þær unnu alla sína leiki. Kolla skoraði eitt glæsimark og var ánægð með það.

Ég tók myndir af stelpunum í sjöunda flokk og fáeinar þegar þær voru að spila.

Kolla hefur ekki verið neitt rosalega ánægð í fótboltanum undanfarið. Hún skipti aftur yfir í ÍR útaf félagsskapnum en hefur svo verið svekkt með að Katja vinkona hennar hefur ekki mætt regulega. Mér fannst Kolla ánægð í morgun - það kemur í ljós hvert framhaldið verður. Við ætlum a.m.k. að láta hana eiga lokaorðið.

Í gærmorgun mættum ég og Gyða með Ingu Maríu í Ölduselskóla. Þar var létt dagskrá (námskeið) fyrir foreldra og börn - farið í einfaldlega leiki úti og inni og svo boðið upp á pizzur.

Gyðu þótti gaman í stórfiskaleik!

Ég tók semsagt líka myndir þá.

Laugardagsinniboltinn byrjaði í gær, fínt að byrja aftur í þeim tímum - spilum með futsal bolta sem er helvíti skemmtilegt. Þá er dagskráin svona:

• Mánudagar - Laugar í hádeginu, brjóst og bak
• Þriðjudagar - Laugar í hádeginu, fætur
• Miðvikudagar - Gervigrasið hjá Fram í hádeginu, fótbolti
• Fimmtudagar - Laugar í hádeginu, hendur og axlir
• Föstudagar - Innibolti í Víkinni
• Laugardagar - Innibolti í Kársnesskóla

Þetta er ágætt prógramm. Stefni svo á að skella mér á æfingar með Henson eftir svona sex kíló.