Inga María í sundtíma

Í morgun fór Inga María í síðasta sundtímann í bili. Í Ölduselsskóla er fyrirkomulag þannig að krakkar fara fjórum sinnum í viku í sund í sex vikur.

Í síðasta tímanum máttu krakkarnir koma með leikföng og foreldrum var boðið að koma og horfa á. Við mættum að sjálfsögðu bæði hjónin. Það var hellidemba en við fundum okkur skjól og fylgdumst með fyrsta korterið eða svo.

Inga María hefur tekið miklum framförum í sundi og þá fyrst og fremst er hún alveg laus við vatnshræðslu - fer á bólakaf og þessháttar.

Ég tók fáeinar myndir.