Tveir geisladiskar og ein bók

Ég og Inga María skutumst í bæinn meðan Kolla var í ballet. Byrjuðum í 12 tónum þar sem ég keypti geisladisk með I adapt. Svo röltum við í Skífuna á Laugavegi þar sem fjárfest var í disk Sprengjuhallarinnar.

Þvínæst kíktum við í bókabúð þar sem ég náði mér í eintak af God is not great. Ég á ekki von á því að lesa neitt nýtt í þessari bók en Hitchens er stundum hnyttinn og mér rann blóðið til skyldunnar að fjárfesta í bókinni fyrst hún lá frammi í bókabúð hér á landi, nógu oft hef ég tuðað útaf lélegu úrvali af bókum í þessum flokki.

Mér fannst full mikið að borga rúmar 900 krónur fyrir bökusneið á Súfistanum, en þetta hefði víst verið sanngjarnara hefði ég þegið salat með.