Punktar
Ég nenni ekki að blogga og skrifa því bara niður nokkra punkta.
- Hér var afmælisboð í gær. Ég eldaði átta pizzur og tók nokkrar myndir. Gyða sá um rest.
- Þórður sá um að skreyta kökuna.
- Ég á eftir að bæta einhverjum myndum inn.
- Inga María bauð bara stelpunum í bekknum, ekki strákunum. Það voru nú stundum dálítil læti í þessum stelpum.
- Síðustu daga hef ég verið frekar slappur í maganum.
- Það veldur því að ég leysi vind afskaplega reglulega.
- Sem er eiginlega verra en magapínan sem einnig fylgir þessu.
- Ég bætti myndum á myndasíður Kollu og Ingu Maríu.
- Komst að því að í október tók ég afskaplega lítið af myndum af fjölskyldunni, Þórður bróðir minn tók október myndina af Kollu, en reyndar með myndavélinni minni.
- Ég fékk afmælisgjöf frá foreldrum mínum í dag þó ég eigi ekki afmæli fyrr en á föstudag. Þau gáfu mér náttföt.
- Ef ég væri unglingur myndi ég nota buxurnar öllum stundum.
- Bróðir minn er líka búinn að gefa mér afmælisgjöf, viskíflösku - þessa tegund.
- Stefán Einar svarar ekki.
- Barði, sem kommentar hjá Stefáni, veit ekki hvað svarstakkur er og hélt að ég væri að kalla Stefán fasista.
- Mér finnst fyndið þegar trúmenn mæta á svæðið og hrósa Stefáni fyrir pistilinn, hann þorir ekki einu sinni að standa við hann sjálfur.
- Eva skrifar bestu bloggpistla landsins.
- Ég veit hver "kærastinn" hennar er.
- Hef aftur á móti ekki hugmynd um hvort það var ástæða til að nota gæsalappir.
- Mengella hefur alltaf verið ofmetið fyrirbæri að mínu mati.
- Mér finnst að þeir ættu báðir að koma úr skápnum.
- Mér leiðast landsleikjahelgar.
- Föstudagsboltinn var afskaplega góður hjá mínu liði.
- Þarf að fara eitthvað út með stelpurnar á morgun svo Gyða fái næði til að læra.
- Spáin er ágæt.
- Afi mætti í afmælið, hann er orðinn ansi sprækur.
- Baddi sleit hásin. Ég er afar feginn að hafa losnað við svoleiðis vesen.
- Á samt vafalaust eftir að slíta eitthvað áður en ég gefst upp á þessu sparki.
- En þetta eru einu skiptin sem maður fær að leika sér, ef ég hætti að spila fótbolta þarf ég að kaupa mér mótorhjól.
- Ég hef aldrei farið á mótorhjól.
- Ég er að spá í að setja upp Postgres. Hef enga trú á því að það gangi upp.
- Man aldrei hvað Postgres heitir, þarf alltaf að fletta því upp.
- Man aldrei neitt.
- Mamma prjónaði peysur og húfur.
- Inga María hefur ekkert fyrir því að fara í splitt og spígat.
- Ég er búinn að týna húfunni minni.
- Á mánudag skutla ég fimm trúfélagskráningarblöðum í Þjóðskrá.
- Munið eftir að lagfæra trúfélagaskráningu fyrir mánaðarmót. Ekki vera meðlimir í félagi sem þið styðjið ekki. Mér er alveg sama hvernig þið eruð skráð, svo lengi sem skráningin er rétt.
- Gvuð er farinn að strá gulli í lófa fólks.
- Eru engin takmörk fyrir trúgirni, þarf virkilega að benda á að þetta er bölvað kjaftæði?
- Íslensk erfðagreining er að fara í samkeppni við google! (sjá á Slashdot)
- Ég veðja á google.
- Meðan ég skrifaði þessa punkta leysti ég vind að minnsta kosti tíu sinnum.
- Þess vegna langar mig ekki undir sæng.
- Held ég fari samt að sofa.
- Á maður að sofa í náttfötum?
Athugasemdir
Jón - 18/11/07 03:45 #
Reyndar er orðið svartstekkur heiti á fasistum úr flokk Mussolini, fasci di combattimento. Sbr. íslensk orðabók, 2. útgáfa:
"svartstakkur: maður í svörtum stakki, félagi í samtökum (ítalskra) fasista."