Eyþór Arnalds fer á kostum

Í sumum breskum bæjum hafa yfirvöld hætt að kalla jólin "Christmas" og nota í staðinn heitið "Winterval" til að gæta "jafnræðis". Á Íslandi má eflaust búast við því að "jól" verði breytt í "Sólstöðuhátið" eða "Vetrarhvörf" til að gæta pólítísks réttrúnaðar. (feitletrun mín, MÁ) #

Ég segi bara enn og aftur, sjúkk að við höldum ekki kristsmessu. Eins og Hjalti bendir í athugasemd, þá er orðið jól komið úr heiðni. Þeir landsmenn sem ekki eru kristnir geta alveg gert sér dagamun um jólin án samviskubits enda flestar þær hefðir sem við höldum í þá ótengdar kristindómi (ég fjalla nánar um þetta í kristsmessugreininni).

Siðmennt var annars að senda frá sér fréttatilkynningu þar sem þau reyna að leiðrétta þann misskilning sem er í gangi víða, til að mynda varðandi litlu jólin. Sigurður Hólm, stjórnarmaður í Siðmennt, fjallar nánar um það.

Ég bíð spenntur eftir afsökunarbeiðni frá ritstjóra 24 stundir en blaðið í dag er til skammar og ritstjórinn var víst ekki skárri sjálfur í útvarpinu í morgun.