Fimleikar og fleira

Byrjuðum daginn í Versölum í Kópavogi á nemendasýningu hjá Gerplu. Inga María var þar að sýna listir sínar. Henni hefur farið mikið fram enda á hún afskaplega auðvelt með fimleikana.

Eftir sýningu fengu aðstandendur að leika sér í tækjunum. Ég lét það eiga sig og tók myndir en Gyða og Kolla léku listir sínar.

Ég tók semsagt helling af myndum. Vann þær á hundavaði þannig að litir eru frekar misjafnir. D200 vélin er ekkert sérstök á háu iso, ég væri alveg til í að prófa svona myndatöku með D3 :-)

Skellti mér í laugardagsboltann og spriklaði dálítið, gerði svosem ekkert sérstakt í boltanum í kvöld. Kom við í Krónunni á heimleiðinni og verslaði í kvöldmatinn, greip Mannlíf í leiðinni. Þar er semsagt smá umfjöllun mig mig með ágætri mynd. Verst ég gleymdi að greiða mér fyrir myndatökuna.