Það skal fært til bókar að ég fór í ræktina í hádeginu. Hitaði upp á æfingahjóli og lyfti svo lóðum. Er nokkuð góður í kálfanum en ætla að sleppa boltanum á morgun, skelli mér í fótbolta á föstudaginn.

Það er aftur á móti engin ástæða til að taka það fram að þetta er í fyrsta skipti sem ég mæti í ræktina á árinu. Um slíkt ræðum við ekki hér. Mér finnst bara óþarfi að vera eitthvað að þvælast fyrir janúarfólkinu. Það hlýtur að fara að fá leið á þessu sprikli. Reyndar var ekkert fjölmennt í Laugum í hádeginu í dag.

Ég uppfærði þyngdargrafið í morgun - fyrir þá sem hafa brennandi áhuga á því.