Heilsumæling

Svona er staðan í dag. Þetta er ekkert til að hrópa húrra fyrir en það er gott að hafa viðmið. Sjáum svo hver staðan verður eftir þrjá mánuði.

Annars eru þessar þyngdartölur nákvæmari.

Fyrsta markmið er náttúrulega að léttast og koma mittismáli undir meterinn. Fituhlutfall þarf að lækka en ég spái ekkert í BMI. Þegar ég var rétt rúmlega 82kg og hljóp 6mk á 28.16 í hlaupabretti (sem er ágætt) var ég samt offitusjúklingur skv. BMI - til að teljast í lagi á þeim skala þyrfti ég að vera horaður.

Fór í ræktina í hádeginu, hitaði upp í tíu mínútur og tók svo fótaæfingar, þar með talið afturstig. Fín átök þó ég passaði mig að fara ekki í of miklar þyngdir. Endaði svo á 100 uppstigum og 25 armbeygjum. Svitnaði vel.