Tíu - núll
Ég get ekki safnað alskeggi, hef bara ekki skeggvöxtinn í það, þetta verður of grisjótt í vöngum og því rakaði ég mig í morgun. Andlitið á mér kemur illa undan tveggja vikna skeggsöfnun.
Fór í bolta í hádeginu sem er svosem ekki í frásögur færandi. Er búinn að vera með harðsperrur í fótum eftir ræktina á mánudag sem er heldur ekki markvert. Það sem er fréttnæmt er að annar leikur af þremur endaði tíu - núll fyrir mér og mínum. Hvernig er hægt að spila heilan leik í innibolta og ná ekki að skora mark? Af tillitssemi við aðstandendur er best að segja ekkert frá því hverjir voru í tapliðinu, það var nefnilega vitlaust gefið.
Hef hlustað á Eels í allan dag. Er með Beautiful Freak, Blinking Lights And Other Revelations, Daises Of The Galaxy, Electro-Shock Blues, Shootenanny! og Souljacker í random spilun á ipodinum. Frábær tónlist sem ég er að uppgötvað dálítið seint!
Óli Gneisti - 30/01/08 16:09 #
Skondin tilviljun, ég er með tveggja vikna skegg, ætla ekki að raka það alveg strax.
Matti - 31/01/08 09:40 #
Gummi, áttu ekki bara tvo bræður? Ég hef ekki spilað fótbolta með Kidda Jóh í mörg ár - segðu honum að mig vanti aukamenn ef hann hefur áhuga á að spila meiri bolta :-)
Ég tók ekki mynd áður en ég rakaði mig - klúður. Þessi er tekin fimm dögum fyrir rakstur, á tíunda degi. Takið eftir hvað þetta er ritjulegt í vöngum. Ef grannt er skoðað sjást einnig ansi margir hvítir broddar.
Ég er dæmdur til að "vera úti" :-)
Regin - 31/01/08 17:55 #
Mig langar að taka fram að ég var í þessu sigurliði og setti nokkur mörk!