Helgin

Óskaplega blogga ég lítið.

Laugardagur var rólegur. Gyða fór að vinna og ég var heima með stelpurnar. Þær dunduðu sér og ég gerði ósköp lítið. Skutlaði stelpunum í afmæli klukkan tvö eftir viðkomu í Smáralind, fór svo heim og glápti á fróðlegan sjónvarpsþátt um bakteríur, veirur og fleira skemmtilegt. Af hverju er ekki meira af svona efni í sjónvarpinu? Lagði mig í tæpan hálftíma, það var gott. Spilaði innibolta eins og vanalega á laugardögum. Var óvenjulega gáfaður og gleymdi stuttbuxum þannig að ég þurfi að spila í gallabuxum. Það var dálítið streð en ég rifjaði upp fótboltann í frímínútum í gamla daga. Stóð mig eins og hetja.

Eldaði kjúkling á laugardagskvöld. Hrærði saman parmaskinku (sem ég hakkaði), pestó, salt, pipar, lime safa og smjörir sem ég tróð svo undir haminn. Það kom afskaplega vel út.

Diddi gerði við bílinn hennar Gyðu í gær, en rúðan bílstjóramegin var föst. Við erum því aftur komin með tvo bíla, sem er gott.

Ég fór á hverfispöbbinn og glápti á Liverpool - Chelsea. Liverpool hefði mátt vinna þann leik.

Komum við í Skífunni og keyptum Ratatouille á DVD og sleepdrunk seasons með Hjaltalín. Ég er að hlusta á Hjaltalín.