Blaðaljósmyndarafélag Íslands var að kynna myndir ársins 2007

Að mínu mati eru vinningsmyndirnar töluvert slakari en vinningsmyndir ársins 2006. Besta mynd ársins er að mínu hógværa mati afskaplega slæm. Ég vorkenni aðstandendum félagsins dálítið fyrir að þurfa að setja þá mynd á kápu bókarinnar sem gefin verður út í kjölfar sýningarinnar. Ég hef verið að fletta bókinni með myndum ársins 2006 og þar eru mjög margar glæsilegar ljósmyndir.

Landslagsmynd ársins er nokkuð umdeild. Ég sé ekkert að því að hugsa út fyrir kassann og landslagsmyndir þurfa ekkert endilega að vera dæmigerðar póstkortamyndir. Aftur á móti finnst mér kjánalegt að tvö ár í röð sé landslagsmynd ársins hjá Blaðaljósmyndarafélaginu tekin út um bílglugga á ferð - eða líti út fyrir það.

Zeranico er ekkert rosalega hrifinn af mynd ársins.

Ég ætla að skella mér á sýninguna.