Að gefnu tilefni vil ég benda á greinina Kraftaverkahyskið sem ég skrifaði á Vantrú fyrir tæpum fjórum árum.

Að sjálfsögðu eru kraftaverkin engin, þrátt fyrir fullyrðingar trúmanna um annað. Engin staðfest dæmi eru til um fólk sem hefur læknast af einhverju öðru en bakverk og þá iðulega tímabundið. Auðvitað geta menn tínt til dæmi af fólki sem hefur liðið betur eftir svona sirkus og margir segja frá ótrúlegum kraftaverkum en ekkert þeirra hefur fengist staðfest. Aldrei. Þetta virkar ekki og þó hægt sé að segja að þetta virki þar sem einhverjum líði betur hverfur það alveg borið saman við alla þá sem bíða skaða af þessu siðlausa athæfi. Bætta líðan má útskýra með hópsefjun, krankleikinn hafi átt sér andlegar skýringar eða venjulega sveiflu á einkennum. #