Örvitinn

Sýning Klassíska listdansskólans

Kolla dansaði í kvöldLokasýning Klassíska listdansskólans var haldin í Borgarleikhúsinu í kvöld. Kolla tók þátt í sýningunni og stóð sig að sjálfsögðu eins og hetja.

Hún fékk blómvönd frá ömmu sinni að sýningu lokinni.

Ég mætti með myndavélina eins og alltaf. Hef alltaf smá móral yfir því að taka myndir á sýningunni því ég er hræddur um að hljóðið trufli fólk, en mikið óskaplega fer það í taugarnar á mér þegar fólk er að taka myndir með flassi á svona sýningu. Á tímabili var enginn friður fyrir flasslömpum.

Undanfarið hefur Kolla verið að velta því fyrir sér í að hætta í ballet, en í kringum umstangið við þessa sýningu hefur áhuginn aukist hjá henni og hún er hætt við að hætta.

Sýningin var skemmtileg eins og undanfarin ár, það er mikið lagt í þetta.

Nokkrar myndir frá sýningunni.


fjölskyldan menning