Höskuldur Þórhallsson, prestsonur og alþingismaður, fullyrti þetta á Alþingi fyrr í dag.

Hvað hefur hann fyrir sér í því? Er hann hugsanlega að draga þessa ályktun út frá þeim löndum sem innflytjendur koma frá?

Er ekki alvarlegt mál þegar alþingismaður setur fram fullyrðingu sem þessa í umræðu á þingi án þess að hafa nokkur gögn sem rökstyðja hana?

Auk þess spyr ég aftur: Hvaða máli skiptir það? Ef Menntamálanefnd telur þetta röksemd fyrir því að hafa kristna arfleifð íslenskrar menningar í lögum um leik- og grunnskóla, er þá ekki ljóst að lögunum er beinlínis beint gegn þeim sem ekki eru kristnir? Til hvers þarf annars að taka þetta fram?