Guðni, ég elska þig!
Þessi maður er ótrúlegur. Með einni setningu í þingpúlti komst Guðni Ágústsson að kjarna málsins og sýndi þjóðinni af hverju Framsóknarflokkurinn og aðrir kristnir íhaldsmenn vilja hafa vísanir í kristni í leik- og grunnskólalögum.
Sindri Guðjónsson - 22/05/08 20:12 #
Er hann ekki bara að segja að kristni sé í samræmi við allt gott siðgæði/siðferði. Þar af leiðandi sé allt siðgæði kristilegt amk óbeint.
Kristnir menn halda að grunnvaldar boðskapur kristninnar sé að elska aðra menn og gera öllum gott (áhrif hlaðborðskristninnar. Menn þekkja ekki lengur siðferðilega fáránlegu versin og kaflana í Biblíunni, eða telja að þeir eigi alls ekki við). Allt siðgæði hlýtur að vera í samræmi við þetta að þeirra mati.
Sindri Guðjónsson - 23/05/08 04:14 #
Ég sá hann svo sem ekki sjálfur. Mér hefur alltaf þótt hann vera vitleysingur.
Á sínum tíma héldu margir að Guðni væri svo mikill húmoristi, sem væri alltaf að reyna að vera fyndinn. Ég hélt alltaf að hann væri bara hlægilegur frá náttúrunnar hendi, og þyrfti ekkert að gera sérstakt nema það að vera hann sjálfur til að verða aðhlátursefni fólks.