mbl fabúlerar í fánamálinu

Í frétt mbl.is um fánamálið í gær stendur:

Lögreglan á höfuðborgarsvæðinu handtók nú á fimmta tímanum karlmann sem hafði klifrað upp á Stjórnarráðið og skorið íslenska fánann í ræmur.

Þetta er ekki rétt eins og fram kemur í athugasemd á síðunni aftaka.org.

Ég tók myndir af því þegar verið var að taka byltingarfánann niður [1, 2, 3, 4, 5] og get staðfest að ríkisfáninn var ekki skemmdur og var dreginn aftur að hún þegar búið var að fjarlægja byltingarfána Jörundar.

Vandamálið með svona fréttaflutning er að villurnar móta viðbrögð almennings eins og sést af athugasemdum mogglinganna. Litlu máli skiptir þó leiðréttingar komi síðar, það eru fyrstu fréttirnar sem hafa mest vægi.

Í prentútgáfu blaðsins í dag er sagt að maður hafi "skipt um fána", sem er nær sannleikanum.