Örvitinn

Kristin arfleifð BB

Ég vil minna á að Björn Bjarnason er einn helsti varðhundur kristinnar arfleifðar íslenskrar menningar.

Það er hluti af kristinni arfleifð íslenskrar menningar að taka ekki á móti útlendingum. Jafnvel drepa þá í fjöruborðinu. Engu máli skiptir þó þeir séu kristnir líka.

Húrra fyrir kristinni arfleifð.

Það er ágætt að hafa þetta í huga þegar prestarnir prédika um að þetta sé ekki kristilegt.

pólitík
Athugasemdir

Kristín - 04/07/08 11:17 #

Varstu búin að sjá skrif Rafaugans?

Matti - 04/07/08 11:23 #

Já, ég las þetta í gærkvöldi en var svo búinn að gleyma því - annars hefði passað að vísa á færsluna. Er búinn að lesa óskaplega margar bloggfærslur um þetta mál og er orðinn dálítið dapur.

Þetta er ekkert nýtt, við höfum vísað nær öllum flóttamönnum úr landi með sömu rökum. En málið nær nýjum hæðum í þetta skipti.

Og að sjálfsögðu er þetta engum að kenna, enginn tekur ábyrgð.

Þegar fyrsti einstaklingurinn deyr hér á landi eftir að hafa fengið stuð úr rafbyssu lögreglunnar mun BB ekki heldur taka ábyrgð.

Þetta er ekki mér að kenna, ég ákvað þetta bara.

Kristín í París - 04/07/08 12:19 #

Nákvæmlega. Frekar dapurlegt allt saman.

matthías Freyr - 05/07/08 15:06 #

Rosalega ertu upptekinn að því að sjá kristni allstaðar og tengja hana við vonda hluti.....

Þetta mál kemur kristni ekki rassgat við Matti og það er bull að reyna að halda því fram

Matti - 05/07/08 15:12 #

Er ekki alltaf verið að halda því fram að Ísland sé kristið land? Að siðferði þjóðarinnar sé bundið kristinni trú órofnum böndum?

Er Björn Bjarnason ekki einn helsti varðhundur ríkiskirkjunnar hér á landi?

Ef kristin arfleifð íslenskrar menningar hefur mótað siðferði þjóðarinnar, þá er brottrekstur þessa manns af landinu afleiðing þeirra kristnu arfleifðar.

En að sjálfsögðu reyna trúmenn alltaf að hengja kristnina á það sem jákvætt er vilja ekki kannast við hið neikvæða.

Sjálfur hef ég ætíð haldið því fram að það sé hreinasta kjaftæði að menning okkar sé fyrst og fremst mótuð af kristni.