Við skellum okkur í fótbolta í hádeginu (ég í fótbolta, stelpurnar dunda sér á svæðinu) og eftir það förum við í sund. Því miður eru stelpurnar of gamlar til að koma með mér í karlaklefann, mér finnst óþægilegt að senda þær einar í klefa þó þær ráði alveg við það sjálfar. Ætli við förum ekki í einhverja sundlaug sem þær þekkja vel - t.d. Breiðholtslaug frekar en Laugardalslaug sem er nær hádegisboltanum.

Svo erum við víst búin að lofa því að taka dálítið til í dag. Það hefur ekki mikið gerst ennþá, en eitthvað þó. Ég fór niður í þvottahús með einn bala af fötum og tók til í eldhúsinu.