Í Viðskiptablaði Morgunblaðsins er auglýsing sem hefst á fullyrðingunni: "Hinir útvöldu aka um á Range Rover".

"Hinir útvöldu"!

Mér finnst eitthvað öfugsnúið að bjóða "hagstæð rekstrarleigukjör" til að fólk gæti (er þetta happdrætti, er ekki víst að þú fáir að kaupa bílinn?) "komist í hóp hinna útvöldu". Ef fólk þarf hagstæð rekstrarleigukjör til að kaupa svona bíl er það ekki "einn af hinum útvöldu".

Nægir voru fordómar mínir gagnvart þeim sem aka um á glænýjum Range Rover fyrir, það er eitthvað óskaplega hallærislegt við það þegar starfsmenn fjármálastofnana ákveða í hópum að kaupa nákvæmlega eins bíl. Þökk sé þessari auglýsingu mun ég ekki geta horft á Range Rover héðan í frá án þess að ímynda mér að ökumaðurinn sé fáviti.

Þvílík snilld í markaðssetningu.