Brunaútsala á frábærum Nikon linsum
Á morgun kaupi ég nýja myndavél og því ætla ég að selja eftirfarandi myndavéladót.
Nikon D200 65.000,-(seld)- Nikon 17-55 f 2.8 G IF ED AF-S DX - 90.000,- (frábær linsa, dæmi um myndir teknar með henni á flickr, þetta er ein allra besta linsan fyrir Nikon dx vélar). Kostar út úr búð um 170þ, frá BHPhoto um 120þ.
Sigma 10-20, set á hana 38.000,- til morguns.(seld)
Einar Örn - 21/08/08 18:10 #
Það er greinilegt að þú stóðst græjulostann ekki mjög lengi.
Ég keypti mér D700 úti í USA um helgina og ég er ÁSTFANGINN af þessari vél. Tók fyrstu myndirnar mínar í brúðkaupi, sem var haldið í frekar illa lýstu tjaldi og myndirnar, sem ég tók þar á ISO 1600 eru ótrúlegar.
RAW skrárnar úr vélinni eru ekki einu sinni studdar í Aperture ennþá. Þetta kallar maður að vera fljótur. :-)
Matti - 21/08/08 18:22 #
Tja, ég hafði alveg stjórn á græjulostanum - þar til á reyndi :-)
Í fyrradag rölti ég í Fótoval af rælni, til að athuga með smá viðgerð á gömlu vélinni (skipta um gúmmí á gripi) og vantaði líka skjáhlíf. Spurði auðvitað um D700 fyrst ég var á þarna og komst að því að D700 kæmi til þeirra daginn eftir. Reyndar var langur biðlisti og ósennilegt að ég fengi eintak. Lét samt bæta mér á listann fyrir næstu sendingu. Í morgun fékk ég símtal þar sem ég var spurður hvort ég vildi kaupa vélina, einhverjir hafa þá eflaust gugnað á þessu, verðið verið hærra en þeir áttu von á.
Ég vildi helst kaupa vélina hér á landi upp á ábyrgð og skattinn, frekar en í London þegar ég fer þangað bráðlega.
En þú ert semsagt kominn yfir í Nikon. Ég er að segja það, þessi vél er náttúrulega klikk.
En svo kemur næsta Canon vél :-)