Guðni játar

Guðni Ágústsson hefur viðurkennt að hafa "breytt aðeins um orðalag" í ræðu sinni. Reyndar finnst mér hugtakanotkun Guðna vafasöm, ég hefði haldið að þegar maður breytir_aðeins um orðalag breyti maður ekki merkingu texta eins og Guðni gerði.

„Ég breyti ræðum mínum sjaldnast en ég viðurkenni það fyrir þér sem heiðarlegur maður að þarna breytti ég aðeins um orðalag. Ég held að ég hafi gengið aðeins of langt og lengra en ég vildi í blaðlausri ræðu."

Gallinn við þetta er að Guðni hefur ekki áður viðurkennt þessi mistök heldur breytti hann ræðunni í skjóli nætur. Hann falsaði einfaldlega eigin ræðu án ummerkja. Guðni hefur mikið tjáð sig síðan en aldrei séð tilefni til að biðja þá er ekki aðhyllast "kristið siðgæði" afsökunar.

• Orð Guðna "fegruð" á Alþingisvefnum

ps. Af hverju í ósköpunum fylgir ekki vísun á bloggfærsluna með frétt Vísis? Þeir eiga þó hrós skilið fyrir að fylgja þessu eftir.

Uppfært

Vantrú: Fölsun Guðna og Alþingis

Ef Guðni sá raunverulega eftir ummælum sínum þá hefði hann átt að biðjast afsökunar á þeim á sínum tíma. Að breyta ummælum sínum á þennan hátt bendir frekar til að honum hafi einfaldlega þótt þau óheppileg fyrir pólitískan frama sinn. Slíkt er ekki virðingarvert.